Ein Pobl

Mae Cyfraith Gymunedol Gogledd Cymru yn seiliedig ar bobl gydag amrywiaeth eang o sgiliau a phrofiadau yn dod at ei gilydd i wneud gwahaniaeth.

Staff

Rydyn ni’n dîm bach o gyfreithwyr arbenigol, gweithwyr achos a staff eraill sy’n frwd dros wella mynediad at gyfiawnder i bobl Gogledd Cymru.

Katherine Adams

Cyfarwyddwr Gweithrediadau

Katherine oedd yr aelod staff cyntaf i gael ei chyflogi gan y Grŵp Llywio yn 2002. Mae ei chefndir yn y sector elusennol, datblygu cymunedol a pholisi cymdeithasol wedi helpu i feithrin cysylltiadau cryf ac ystyrlon gyda rhanddeiliaid a chymunedau lleol, casglu tystiolaeth a chodi arian. Daeth Katherine yn Rheolwr y Ganolfan pan lansiwyd y gwasanaeth yn 2023 ac mae bellach yn arwain y tîm a’n gwaith polisi.

Sophie Vaughan

Gweithiwr Achosion Brysbennu

Ymunodd Sophie â ni fel myfyriwr y gyfraith yn ei thrydedd flwyddyn ym Mhrifysgol Bangor. Cafodd ei magu yng Ngogledd Cymru ac mae hi’n frwd dros gael mynediad at gyfiawnder yn y rhanbarth. Mae gallu Sophie i gyfathrebu yn Gymraeg ac yn Saesneg yn golygu ein bod ni’n gallu cynnig y gwasanaeth mwyaf addas a chyfeillgar i gleientiaid.

Claire Poppleton

Cyfreithiwr

Mae Claire newydd gymhwyso fel Cyfreithiwr Tai ac ymunodd â ni ym mis Awst 2023. Hyfforddodd dan y Justice First Fellowship yng Nghanolfan Gyfraith Ealing gan gwblhau seddau ym maes Tai, a Lloches a Mewnfudo. Mae Claire wedi ymrwymo i gyfraith lles cymdeithasol a gwella mynediad at gyfiawnder i bawb.

Sean Price

Cyfreithiwr

Ymddiriedolwyr

Crash Wigley

Cadeirydd

Mae Crash yn Gynorthwyydd Barnwrol yn y Goruchel Lys, yn fargyfreithiwr yn Civitas ac yn gyn gyd-gadeirydd Cyfreithwyr Cymorth Cyfreithiol Ifanc. Wrth astudio, roedd Crash yn gwirfoddoli yng Ngwasanaeth Cyngor a Gwybodaeth Liberty. Cyn astudio’r gyfraith, bu Crash yn gweithio fel Swyddog Polisi ac Ymgyrchoedd yn Stonewall Cymru, a nhw sy’n cyfarwyddo Cardiff Trans Singers, sef côr ar gyfer pobl drawsrywiol. Mae Crash yn siarad Cymraeg.

Deborah Wilkins

Trysorydd

Mae Debbie wedi treulio 20 mlynedd yn gweithio yn y sector gwasanaethau ariannol, 10 mlynedd yn gweithio i Gyrfa Cymru mewn swyddi cynghori ac ymchwil. Mae hi wedi bod yn gyfarwyddwr ac yn sylfaenydd cwmni buddiannau cymunedol ac mae hi wedi ymwneud ag amrywiol gymdeithasau cymunedol. Ar hyn o bryd, mae hi’n gweithio yn y trydydd sector i Gyngor Gweithredu Gwirfoddol Cymru (CGGC), y corff aelodaeth cenedlaethol ar gyfer mudiadau gwirfoddol yng Nghymru, ac mae hi’n gweithio’n benodol ym maes cyllid Ewropeaidd.

Ron Davison

Ron yw Rheolwr Gyfarwyddwr cwmni cyfreithiol mwyaf Gogledd Cymru, sef Gamlins Law. Mae’n eiriolwr brwd ym maes cyfiawnder cymdeithasol. Cymhwysodd Ron yn Gyfreithiwr yn 2003. Mae ei ymarfer cyfreithiol yn cwmpasu’r gyfraith gyffredin, gyda phwyslais arbennig ar faterion yn ymwneud â chyflogaeth. Mae gan Ron hefyd bractis Ymgyfreitha Masnachol helaeth ac mae wedi cynrychioli nifer o gwmnïau yn yr Uchel Lys. Y tu allan i’r swyddfa, mae Ron yn ddilynwr rygbi brwd, ar ôl cael ei orfodi i gadw ei esgidiau flynyddoedd lawer yn ôl. Ron oedd Llywydd Cymdeithas y Gyfraith Swydd Gaer a Gogledd Cymru yn 2017 ac mae hefyd wedi ymgymryd â nifer o rolau Cyfarwyddwr anweithredol.

Jabez Oakes

Mae Jabez wedi byw yng Ngogledd Cymru ers dros 15 mlynedd. Mae ganddo radd yn y gyfraith o Brifysgol Caer ac mae’n hyfforddi i fod yn fargyfreithiwr. Mae’n gynghorydd tref yn Rhuthun, Sir Ddinbych. Mae wedi gweithio yn y trydydd sector ers sawl blwyddyn fel Gweithiwr Achos Tribiwnlysoedd Nawdd Cymdeithasol. Mae’n gwirfoddoli yn ei gymuned leol a’r rhanbarth ehangach drwy Gyngor Tref Rhuthun, gan annog ymgysylltu ar lawr gwlad.

Daniel Scrase

Cafodd Daniel ei fagu ym Mangor a bu’n gweithio am 12 mlynedd yn y trydydd sector yng ngogledd Cymru, gan arbenigo mewn iechyd meddwl a llesiant. Mae ganddo brofiad o reoli timau gwirfoddoli mawr ar gyfer y Gwasanaeth Gwirfoddol Brenhinol a Cruse Bereavement Support. Mae’n credu’n gryf yng ngwerth gwirfoddolwyr mewn gwasanaethau i gefnogi pobl sy’n wynebu problemau. Ar hyn o bryd, mae’n astudio ar gyfer gradd Meistr yn y Gyfraith ac Ymarfer Cyfreithiol ym Mhrifysgol BPP ac mae’n gwirfoddoli i Ganolfan y Gyfraith Vauxhall yn eu tîm cyngor ar ddyledion. Y tu allan i’r gwaith, mae’n mwynhau myfyrio a chodi pwysau, ond nid bob amser ar yr un pryd.

Acton Afonso

Mae Acton yn gyfreithiwr a gwblhaodd ei hyfforddiant yn JW Hughes a Co, yn eu swyddfa yn Llandudno. Mae ei waith arferol yn cynnwys achosion ysgaru, ceisiadau dan Ddeddf Plant 1989 a materion cam-drin domestig. Mae’n rhoi cyngor ac yn gweithio ar gymorth cyfreithiol hefyd. Yn ei amser hamdden, mae’n mwynhau chwarae pêl-droed, gwylio’r teledu a mynd am dro ar hyd y traeth.

Dr Daniel Newman

Mae Dan yn Uwch-ddarlithydd ym Mhrifysgol Caerdydd ac mae wedi bod yn Ysgol y Gyfraith a Gwleidyddiaeth ers 2015. Mae ei ymchwil yn canolbwyntio ar fynediad at gyfiawnder. Mae ei brosiectau wedi cynnwys edrych ar effaith cyni ar y sector cynghori, edrych ar sut mae toriadau i gymorth cyfreithiol troseddol yn effeithio ar y berthynas rhwng cyfreithwyr a chleientiaid o dan gymorth cyfreithiol troseddol, ac ystyried sut mae ardaloedd gwledig yn cael eu niweidio gan lai o wariant ar gyfiawnder. Ef yw awdur Legal Aid Lawyers a Quest for Justice.

Matthew Court

Mae Matthew yn gyfreithiwr a ymunodd â thîm gwaith achos y Prosiect Cyfraith Gyhoeddus yn 2020. Ers mis Ionawr 2021, mae Matthew wedi bod yn arwain gwaith y Prosiect Cyfraith Gyhoeddus yng Nghymru ac mae wedi bod yn gweithio ar y cyd â phartneriaid y Prosiect Cyfraith Gyhoeddus yng Nghymru i wella mynediad pobl yng Nghymru at ddatrysiadau cyfraith gyhoeddus. Cyn ymuno â’r Prosiect Cyfraith Gyhoeddus, bu Matthew yn gweithio fel cyfreithiwr yn GT Stewart Solicitors, lle bu’n gweithredu ar ran amrywiaeth eang o gleientiaid, gan gynnwys mudwyr, plant sy’n derbyn gofal a’r rhai sy’n gadael gofal. Cyn cymhwyso fel cyfreithiwr, bu Matthew yn gweithio am dros 10 mlynedd yn y sector elusennol yn cefnogi ffoaduriaid a cheiswyr lloches, gan gynnwys plant ar eu pen eu hunain.

Sue James

Sue yw Prif Weithredwr y Grŵp Gweithredu Cyfreithiol (LAG). Cyn ymuno â’r Grŵp, roedd hi’n gyfarwyddwr ac yn gyfreithiwr yng Nghanolfan y Gyfraith Hammersmith a Fulham ac roedd hi’n un o ymddiriedolwyr sylfaenol Canolfan Gyfraith Ealing. Mae wedi bod yn gyfreithiwr ym maes tai ers 30 mlynedd. Yn 2017, enillodd y wobr cyflawniad eithriadol yng Ngwobrau Cyfreithwyr Cymorth Cyfreithiol y Flwyddyn. Mae hi’n awdures uchel ei pharch ac yn gyd-olygydd Housing Possession Duty Desk. Mae hi hefyd yn gyd-olygydd Justice Matters a’r Legal Aid Handbook. Mae hi hefyd yn ysgrifennu ac yn ymgyrchu ar faterion sy’n ymwneud â mynediad at gyfiawnder.

Cynghorwyr

Annie Bannister

Mae Annie eisoes wedi cael gyrfa lwyddiannus ym maes marchnata ac mae bellach wedi ailhyfforddi fel Cyfreithiwr. Mae ganddi brofiad ym maes ymgyfreitha sifil ac ar hyn o bryd mae hi’n gweithio i’r Heddlu yn sicrhau gorchmynion risg ac amddiffyn yn y llys i helpu pobl a chymdogaethau agored i niwed. Mae hyn yn cynnwys gorchmynion risg ac amddiffyn caethwasiaeth a masnachu pobl. Mae ganddi ddiddordeb arbennig ym maes cyfiawnder yn erbyn caethwasiaeth fodern ar ôl gweithio gyda rhwydwaith atal masnachu Ewropeaidd (RENATE) ers 2012 ac erbyn hyn mae’n aelod o’u Grŵp Tasg Gyfreithiol. Mae hi hefyd wedi gweithio yn Hope for Justice yn cefnogi eu tîm eiriolaeth a pholisi.

Warren Palmer

Warren yw cyfarwyddwr Canolfan y Gyfraith Speakeasy yng Nghaerdydd (yr unig Ganolfan y Gyfraith yng Nghymru). Mae wedi bod yn gyfreithiwr sy’n arbenigo mewn gwaith budd-daliadau lles ers 20 mlynedd ac, yng Ngwobrau Cyfraith Cymru 2003, cafodd ei enwi’n Gyfreithiwr Pro Bono y Flwyddyn.