Lle rydyn ni’n gweithio

Rydyn ni wedi ein lleoli yng Nghyffordd Llandudno, ger yr orsaf drenau, ac rydyn ni’n agos at lawer o’r prif lwybrau bysiau. Dyma fap o’n lleoliad..

Mae ein swyddfa mewn tŷ cyfeillgar wedi’i addasu gyda llawer o olau a lle, ystafell dawel i gael sgwrs breifat, teganau i blant, a gardd.

Os byddai'n well gennych chi, rydyn ni’n gallu cwrdd â chi wyneb yn wyneb yn rhywle sy’n gyfarwydd i chi neu’n nes atoch chi. Rydyn ni’n gweithio gyda llawer o sefydliadau eraill ledled Gogledd Cymru, fel banciau bwyd, canolfannau cymunedol ac elusennau eraill, ac rydyn ni’n gallu trefnu apwyntiadau mewn gwahanol lefydd yn dibynnu ar yr hyn sydd ei angen arnoch chi. Rydyn ni hefyd yn gallu trefnu cyfarfodydd ar-lein er mwyn i chi allu siarad ag aelod o staff heb orfod teithio.